Гаилә – ул кадерле һәм якын кешеләр гөлләмәсе.
Без үз гаиләбезне яратабыз, якыннарыбыз турында хәстәрлек күрәбез, изгелек һәм бәхет кенә телибез. Гаиләдә бала якыннарын аңларга, хөрмәт итәргә, ышанырга өйрәнә. Тату гаилә яшәгән өйдә тәмле бәлеш исләре килә, балалар көлгән тавыш ишетелә һәм барысы да бәхетле. Безнең гимназиядә үрнәк гаиләләр күп. Октябрь, ноябрь айларында республика яшьләре гәзите "Өмет"нең балалар өчен кушымтасы "Чаткылар"да иң яхшы гаиләләр турында укучыларның язмалары басылды. Матур гаиләләргә бәхетле киләчәк телибез. Яшь авторларга иҗади уңышлар юлдаш булсын!